بنوته مصرية تكتب : «عيد الحب ♥»
في فيلم حب البنات قال الدكتور مهيب (الفنان اشرف عبد الباقي) قال في نهاية أنتوا لقيتوا الحب لما لقيتوا الأمان. والأمان ان تكونوا مع بعض وهو ده الحب .
وإحنا للأسف في المجتمع المصري حاليا من تفك اسري على مستوي العائله .
زمان كنا نسمع في الأفلام ده ابنت خالت عمتي وده قريب ولاد خالي، وده بنت خالت جارتي وكان في تشابك وترابط، لما كان يحصل حاله وفاه كان كل بيحزن ونلغي الأفراح وتغلق التلفزيونات علي مستوي العائلة وعلي مستوى الجيران سواء في نفس البنايه أو شارع ، كانت ريحه الحب تفوح بين الجدران .
حب الجيران وعلاقتهم ببعض قصه تانيه غير قصه علاقه الأهل قصه اتكتب عنها الكتاب والقصص وروايات شيقه خلتنا جيل نشتاق لروح الحياه الجميلة التي تفوح منها روائح الحب الجميل
نرجع ان الأمان بيجي من الألفة وصدق المشاعر و الخوف علي مصالح بعض فيتولد الحب، الحب بيجي من الاهتمام والسؤال،
علشان كدا لما بتسأل حد انت ليه بتحبه يقولك بيخاف عليا ،بيسأل عليا بيهتم بيا هو ده الحب
الحب مولود من الأمان والأمان مولود من الاهتمام
فتزهوا الحياة بابتسامه العشاق، والعشق أنواع اب باولاده وأم باولادها اصدقاء مع بعض حب الاهل لبعض عشقنا للوطن وترابه
كلنا عشاق في حب شي موجود
حب اللـّٰه يعطينا القوة، وحب الوطن يعطينا الهوية، وحب العائلة يعطينا الأمان.
عيد حب وكلنا سعداء ووطنا بإمان
بنوته مصرية
