الرئيس السيسي: مستعد أتكبد ثمن بناء مصر حتى وإن كان موتي
1
قال الرئيس عبد الفتاح السيسي في كلمته بمؤتمر حكاية وطن: من 2011 إلى 2013 هقولكم قد إيه جهل الآخرين بقى حد عاوز يحكم بلد ويهدها علشان ياخدها في 2012 وكنت بقولهم يا جماعة كل يوم بيعدى باللى إحنا فيه البلد بتضيع، ما حدش هيعرف يصلحا قبل كده، البلد تستقر وبعدين الانتخابات تجيب اللى تجيبه .
وأضاف الرئيس السيسي: إذا كنت مش عاوز تساعد نفسك وتغير الواقع بتاعك بتطلب من الاخرين ليه .
وتابع: 30 مليار جبناهم بشق الأنفس لغاية ما قامت الثورة، وخلصناهم فى سنة ونصف لأننا كنا بنجيب البترول والسلع التموينية بالدولار وتبيعه بالجنيه لأن حالة عدم الاستقرار جابت البلد على الأرض.
وقال الرئيس عبدالفتاح السيسي،: “في 2014 واحد قالي إنت أيقونة مصر..إنت بطل مصر أوعى تخش فى المسؤولية .. أصل بعد كده هيقطعوك، ..معقبا: ” رديت عليه وقلت له لو كان بناء الدولة هيخليهم مش يقطعوني لا كمان يموتوني، أنا هعملها وأخش”.
وأضاف الرئيس السيسي :” بفكر الدكتور معيط في 2014 وأول زيادة في تخفيض دعم الوقود في 2014 والناس قالت عمل كده ازاى؟ ويعمل كده في نفسه؟.. اوعوا تفتكروا إن جاي أقدم نفسي ليكم؟.. لا لا .. لا ده لا يليق خالص.”.
